السلام علیکم ورحمتہ اللہ وبرکاتہ! بعد از سلام و تحیت: مخالفین کی طرف سے ایک اعتراض یہ کیا جاتا ہے، رسول اکرم(ص) نے حج انجام دینے کے بعد، اعلان ولایت امیر المومنین غدیر خم کے مقام پر پہنچ کرہی کیوں فرمایا؟ وہ اس طرح سے کہتے ہیں کیا ہی اچھا ہوتا کہ اعلان ولایت بیت اللہ شریف یا میدان عرفات میں کیا جاتا جہاں پر تمام حجاج کرام موجود تھے، اسطرح امیرالمومنین(ع) کی ولایت کی خبر تمام رنگ و نسل کے لوگوں اور اسلامی مملکت کے گوشہ و کنار تک پہنچ جاتی۔ وہ یہ سوال کرتے ہیں کہ حج ادا کرنے کے بعد حجاج مکہ سے ہی اپنے علاقوں کی طرف لوٹ گئے تھے اور رسول اکرم ٰ(ص) کے ساتھ نسبتا کم افراد ساتھ تھے۔ ان کا اعتراض یہ ہے کہ اعلان ولایت اگر اتنا اہم مسئلہ ہوتا تو رسول اللہ (ص) مکہ بیت اللہ شریف اور میدان عرفات میں اعلان فرماتے۔ اس اعتراض کا کس انداز میں جواب دینا چاہیے۔ کیا غدیر خم کے مقام پر امیر المومنین کی ولایت کے اعلان کے وقت حج انجام دینے والے وہ تمام افراد موجود تھے؟ اگر جواب مثبت میں ہے تو برائے مہربانی منابع ذکر فرمائیں۔ برائے مہربانین اس سوال کا جواب عنایت فرمائیں۔ مع السلام